Me intregones kaver baro manush avos, thaj me kasave but sogodeske loshajvos. Anglunes vi kodoleske loshajvos, hoj kodo shaj keros, so kamav. Baro manush t'avos, atunchi chikana chi beshos po skamin, tena sagda changa dos, mure parne vastyange vast, lungones cirdos pe sako sastruno keriteshi, ande dandengo pohari bararos la datolyako sumburo, xos jekh-jekh tabla baro chokivo angla sako mizmeresko xaben, thaj hajkam vastesa xutyilos le machen. De numa atunchi, zhi atunchi te sityuvos machen te xutyilav.
